...

Bakının mərkəzində mənzilin qiymətləri şəhər ətrafındakılara nisbətən iki dəfə tez azalır

Biznes və iqtisadiyyat xəbərləri Materials 5 Mart 2011 15:37 (UTC +04:00)

Azərbaycan, Bakı, 5 mart/Trend, müxbir Ü.İsmayılova/

Bakıda şəhərin mərkəzində mənzil alışına marağın ciddi şəkildə azalması müşahidə edilir. MBA Group konsaltinq şirkətinin baş direktoru Nüsrət İbrahimov belə hesab edir.

"Hazırda şəhər ətrafında mənzilin qiyməti 10-12 faiz azalıbsa, mərkəzdə bu göstəricilər 20-25 faiz təşkil edir", - İbrahimov bildirib.

Onun sözlərinə görə, şəhər məkəzinə marağın azalması nəqliyyat, infrastruktur və əhalinin yüksək sıxlığı ilə bağlı olan problemlərlə əlaqədardır.

"Əvvəllər əhalinin ödəniş qabiliyyətli təbəqəsi daha çox şəhər məkəzində bahalı mənzillərə üstünlük verirdisə, indi hətta onlar da şəhər ətrafına köçməyə başlayıblar", - İbrahimov qeyd edib.

Bundan əvvəl Dövlət Şəhərsalma və Arxitektura Komitəsinin sədr müavini Dövlətxan Dövlətxanovun dediyinə görə, hazırda Bakı aqlomerasiyasında əhalinin sayı 2,9 milyon nəfər göstəricisinə yaxınlaşır, bu isə yüksək göstərici hesab edilir. Şəhərin mərkəzində əhali sıxlığını azaltmaq üçün dövlət komitəsi şəhər mərkəzinin ətrafa köçürülməsi layihəsini hazırlamağa başlayıb. Layihənin hazırlanması üzrə işlər may ayına kimi başa çatacaq.

Bu layihələrin hamısı tanış olmaq və əlavə təkliflərin alınması üçün geniş ictimaiyyətə təqdim ediləcək", - Dövlətxanov deyib və köçürülmənin iqtisadi və texniki baxımdan köhnələn binalara toxunacağını qeyd edib.

Xəbər lenti

Xəbər lenti