Azərbaycan, Bakı, 7 mart /Trend, müxbir E.İsmayılov/
Bakı Metropoliteni bir müddət əvvəl aldığı "Metrovaqonmaş" ASC-nin istehsalı olan yeni vaqonların buraxılması və sazlama işlərini aparır. Bu barədə Trend-ə bazaar ertəsi ASC-dən bildiriblər.
Bakı Metropoliteni üçün vaqonlar builki sifariş çərçivəsində tədarük olunur. Sifariş "Metrovaqonmaş"ın 81-717.5B/81-714.5B (onlardan dördü əsas - 717.5B və altısı ara - 81-714.5B) modelli vaqonlarının alışını nəzərdə tutur.
"Artıq on vaqon alınıb və hazırda həmin vaqonlar qaydaya salınır", - mənbə bildirib.
Onun sözlərinə görə, martın birinci yarısında Bakı Metropoliteninə daha beş vaqon veriləcək. 15 vaqonun hamısı sazlama işləri başa çatdıqdan sonra eyni vaxtda istismara veriləcək.
Bakı şəhər İcra Hakimiyyətinin istəyinə görə, verilən vaqonlar ağ-göy rəng çalarlarına malik olacaq. Boyama üçün davamlı (6-8 il) poliuretan rəngdən istifadə olunub. Sərnişin salonundakı qapıların konstruksiyasında İtaliya istehsalı olan pnevmatik silindrlərdən istifadə edilib. Bakı metrosunun vaqon parkının 80 faizindən çoxunu "Metrovaqonmaş" ASC-nin vaqonları təşkil edir.
"Metrovaqonmaş" metro vaqonlarının istehsalı sahəsində aparıcı müəssisə və Rusiyada rels avtobuslarının yeganə istehsalçısıdır. Zavod Rusiya, digər MDB ölkələri, eləcə də Bolqarıstan, Macarıstan və Polşanın metropolitenlərini qatarlarla təmin edir.