Azərbaycan, Bakı, 2 aprel /Trend, müxbir N.İsmayılova/
2010-cu il ərzində Azərbaycandan xaricə 23,8 milyard dollarlıq neft məhsulları ixrac olunub. Trend-in məlumatına görə, bu barədə ölkənin Mərkəzi Bankının şənbə günü dərc etdirdiyi ödəniş balansında deyilir. Strukturda neft-qaz məhsullarının payı 94,9 faiz təşkil edib.
İxrac olunan neft məhsullarının ümumi həcmindən neft emalı məhsullarının payına 1571,5 milyon dollar, ölkədən çıxarılan neftin payına isə 22,3 milyard dollar düşür. Azərbaycan Beynəlxalq Əməliyyat Şirkəti (ABƏŞ) ixrac olunan neft məhsullarının ümumi həcmindən 21 milyard dollarlıq neft hasil edib. Digər müəssisələr tərəfindən 1,3 milyard dollar məbləğində neft ixrac olunub ki, bunun da 126,3 milyon dolları "Şahdəniz" yatağından hasil olunan kondensatın, 1162,5 milyon dollar isə Azərvaycan Dövlət Neft Şirkətinin (ARDNŞ) payına düşüb.
Qeyri-neft sektoruna düşən ixrac mallarının ümumi dəyəri il ərzində 20 faiz artaraq 1,4 milyard dollar təşkil edib.
