Azərbaycan, Bakı, 25 aprel /Trend, müxbir N.İsmayılova/
Azərbaycan bankı "Bank of Baku"nun balans mənfəəti mart ayı ərzində 54,7 faiz artaraq aprelin 1-nə 4,953 milyon manat təşkil edib. Bankın gəlirləri 15,137 milyon manat olub.
Mart ayı ərzində bankın aktivləri 1,2 faiz artaraq birinci rübün yekunları üzrə 257,222 milyon manat təşkil edib.
Aprelin 1-nə olan vəziyyətə görə, bankın depozit portfeli 194,921 milyon manat təşkil edib ki, bunun 142,876 milyon manatı fiziki şəxslərin əmanətlərinin, 137,234 milyon manatı təcili depozitlərin payına düşüb.
I rübün yekunları üzrə bankın kredit portfeli 200,444 milyon manat təşkil edib. Aprelin 1-nə kredit portfelində istehlak kreditlərinin payı 144,307 milyon manat, kommersiya kreditləri - 46,98 milyon manat olub.
Aprelin 1-nə bankın məcmu kapitalı 45,251 milyon manat təşkil edib. Ödənilmiş nizamnamə kapitalı 12,852 milyon manata bərabər olub.
"Bank of Baku" 2005-ci ildə iki yerli özəl bankın - "Bank of Baku" ASC və "İlkBank" KB-nin birləşməsi nəticəsində yaranıb. Hazırda bankın səhmlərinin 40 faizi Türkiyənin NAB şirkətlər qrupuna, 10 faizi - Elçin İsayevə (bankın Müşahidə Şurasının sədri), 29 faizindən çoxu - "Azpetrol"a, 21 faizə yaxını fiziki şəxslərə və "Azinvest" şirkətinə məxsusdur.
Aprelin 25-nə olan rəsmi məzənnə 0,7915 AZN/USD təşkil edir.
