...

Payızda AZAL yeni helikopterlər alacaq

Biznes və iqtisadiyyat xəbərləri Materials 26 Aprel 2011 15:10

Trend-i buradan izləyin

Azərbaycan, Bakı, 26 aprel /Trend/

Sentyabr-oktyabr aylarında "Azərbaycan Hava Yolları" QSC "Eurocopter" şirkəti ilə imzalanmış müqaviləyə uyğun olaraq, EC135 T2 tipli iki helikopter alacaq. Bu barədə Azərbaycanda kiçik aviasiya sahəsində fəaliyyət göstərən ən iri aviaşirkət olan "SW Helicopter Services" MMC-nin məlumatında deyilir.

QSC ilə "Eurocopter" arasında müqavilə 2010-cu ilin birinci yarısında imzalanıb. Helikopterlərdən təcili tibbi yardım göstərilməsi məqsədləri üçün istifadə olunacaq.

"SW Helicopter Services" şirkəti hüquqi şəxs kimi 2008-ci il martın 18-də qeydiyyatdan keçib. Aviasiya sahəsində etibarlılığın səviyyəsinin yüksəldilməsi məqsədilə yeni texnologiya və innovasiyaların tətbiqi üzrə xüsusi plan işlənib hazırlanır. Şirkət aviasiya sahəsində müxtəlif elmi tədqiqatlar aparır və bu sahədə keçirilən bir sıra beynəlxalq elmi-texniki konfranslarda iştirak edir, eləcə də dünyada öz sahəsində məşhur olan şirkətlərlə əlaqələr qurur.

Xəbər lenti

Xəbər lenti