Azərbaycan, Bakı, 13 may /Trend/
İranın mövcud xarici valyuta ehtiyatları 100 milyard dollar təşkil edir. Bunu İranın iqtisadiyyat və maliyyə naziri Seyyid Şəmsəddin Hüseyni deyib. Bu barədə Trend İranın İRNA dövlət agentliyinə istinadən məlumat verir.
Hüseyni bu rəqəmin ən yüksək göstərici olduğunu bildirib.
Nazir fevralda jurnalistlərə açıqlamasında 2010-cu ildə İranın xarici valyuta ehtiyatlarının 89 milyard dollar təşkil etdiyini və bu rəqəmin 2011-ci ildə 100 milyard dollara çatdırılacağını demişdi.
