...

Azərbaycan yaxın 15 ildə qeyri-neft ixracını 50 dəfə artırmağı planlaşdırır

Biznes və iqtisadiyyat xəbərləri Materials 17 May 2011 16:21 (UTC +04:00)

Azərbaycan, Bakı, 17 may /Trend, müxbir A.Axundov/

Azərbaycan İqtisadi İnkişaf Nazirliyi tərəfindən hazırlanan 2011-2025-ci illər üçün Azərbaycanın iqtisadi inkişafının uzunmüddətli strategiyası layihəsi 2009-cu ildəki ticarət sektorunun ÜDM-dəki 61 faiz payının 2025-ci ildə 40 faizədək çatdırılmasını nəzərdə tutur.

Bu halda qeyri-neft ixracının həcminin 2009-cu ildəki 1,1 milyard dollardan 27,3 faizlik illik artımla 2025-ci ildə 53,6 milyardadək, qeyri-neft sektorunda adambaşına düşən ixracın həcminin 0,13 min dollardan illik 25,6 faiz artımla 5 min dollaradək artırılması planlaşdırılır.

Qeyri-neft sektorunda idxalın ödənilməsi əmsalını 2009-cu ildəki 17,3 faizdən 2025-ci ildə 100 faizə çatdırılması planlaşdırılır.

Qeyri-neft sektoruna investisiya qoyuluşlarının həcminin 2009-cu ildəki 7,1 milyard dollardan 8,4 faizlik illik artımla 2025-ci ildə 25,6 milyard dollaradək, qeyri-neft ticarət sektoruna investisiya qoyuluşlarının 0,7 milyard dollardan 20,8 faiz artımla 15,1 milyard dollara, qeyri-neft sektoruna investisiya qoyuluşları payının 10,3-dən 11,5 faizlik artımla 58,9 faizədək artırılması, ölkə ÜDM-də qeyri-neft sektoruna investisiya qoyuluşları payının 2009-cu ildəki 36,3 faizdən 31,1 faizədək azaldılması nəzərdə tutulur.

Bundan başqa, layihə qeyri-neft sektorunda istehsal və ixrac bazasını ixrac fokusu ilə genişləndirmək, ÜDM-in davamlı artımını təmin etmək, xalis beynəlxalq investisiya mövqeyi üzrə əmsalı saxlamaq məqsədi daşıyır.

Sadalanan məqsədlərə nail olmaq üçün iqtisadiyyatın ixraca fokuslaşdırılması və təkrar ixracın sadələşdirilməsi, azad iqtisadi zona haqqında sazişdən və gələcəkdə ÜTT-də üzvlük zamanı ümumiləşdirilmiş imtiyazlardan səmərəli istifadənin təmini, ÜTT çərçivəsində əlverişli rejim şəraitində digər ölkələrlə ticarət münasibətlərinin tənzimlənməsi, çoxtərəfli ticarət sisteminə daha yaxşı inteqrasiya, xüsusi iqtisadi zonaların yaradılması (sərhədyanı ərazilərdə, dəniz limanlarında və aeroportlarda) üzrə tədbirlərin görülməsi təklif olunur.

İnvestisiyalar sahəsində qeyri-neft ticarət sektorlarında əsas kapitala yönələn investisiyaların həcminin artırılması, ixrac potensialına malik yerli və xarici investisiyaların qeyri-neft sektorunun ticarət yarımbölmələrinə cəlb edilməsi, investisiyaların qeyri-neft ticarət sektorlarına güzəştli kreditləşdirmə vasitəsilə yönəldilməsi, ölkənin hər bir iqtisadi rayonunda ixraca yönələn sənaye şəhərciyi infrastrukturunun formalaşdırılması üzrə işlərin görülməsi nəzərdə tutulub.

Xəbər lenti

Xəbər lenti