Azərbaycan, Bakı, 20 may /Trend, müxbir N.İsmayılova/
İyulda Azərbaycanda Cənubi Qafqazda ilk dəfə illik gücü 180 min kubmetr olan qazobeton blok istehsalı üzrə zavod istismara veriləcək. Bu barədə cümə günü jurnalistlərə AAC şirkətinin baş direktoru Teymur Əbdülrəhimov deyib.
Zavod Bakının Qaradağ rayonunun Səngəçal qəsəbəsində yerləşir.
"Bu zavod Cənubi Qafqazda qazobeton blok istehsalı üzrə ilk zavod olacaq. Məhsulun əksər hissəsi ölkə ərazisində satılacaq. Lakin şirkət məhsulun Gürcüstan və Dağıstan kimi yaxın qonşu regionlara ixracı imkanını müzakirə edir", - Əbdülrəhmanov qeyd edib.
Onun sözlərinə görə, Azərbaycanda qazobeton blokların satılması üçün bazar var. Onlar ekoloji təmiz və istiliyə dözümlü məhsullardır. Zavodun tikintisində qabaqcıl alman texnologiyaları tətbiq edilir.
Zavod ərazisində əhəngin iki növünün (söndürülmüş və söndürülməmiş) istehsalı üzrə zavod da tikilir.
"Əhəngin 50 faizə yaxını qazobeton blokların istehsalına yönəldiləcək, qalan hissə isə satışa çıxarılacaq", - AAC şirkətinin rəhbəri bildirib.
Onun sözlərinə görə, cari ilin sonunadək zavod 15 min ton əhəng və 50 min kubmetr qazobeton blok istehsal etməyi planlaşdırır.
Layihənin ümumi dəyəri 33 milyon manatdır. Buna SKMF tərəfindən hər zavodun tikintisi üçün 5 milyon manat olmaqla, 10 milyon manat iki kredit şəklində verilib.
Mayın 20-nə olan rəsmi məzənnə 0,7902 AZN/USD təşkil edir.
