Аzərbaycan, Bakı, 26 may /Trend, müxbir A.Axundov/
Apreldə Bakının qeyri-yaşayış obyektləri bazarında və kommersiya məqsədləri üçün istifadə olunan mənzillərin icarə haqqı ay ərzində müvafiq olaraq 0,5 faiz və 0,3 faiz azalıb. Bu barədə cümə axşamı Trend-ə "Əmlak Bazarı İştirakçıları" İctimai Birliyindən məlumat verilib.
Apreldə qeyri-yaşayış sahələri bazarında alqı-satqı sövdələşmələrinin sayı 2,4 faiz azalıb. Bu dövr ərzində təklif 2 faiz artıb.
Daşınmaz əmlak bazarında baş verən proseslərə baxmayaraq, hələ də risq səviyəsinin sabitləşməsi müşahidə olunur, buna səbəb icarə qiymətlərinə nisbətdə gəlirlilik əmsalının möhkəmlənməsidir.
Bakının qeyri-yaşayış sahələrinin orta qiymətləri apreldə 2904 dollar təşkil edib. Aparılan araşdırmalara görə, 2010-cu ilin analoji dövrünə nisbətən qiymətlər 1,8 faiz, bundan əvvəlki rüblə müqayisədə isə 0,1 faiz artıb.
Bazara orta qiymətdən aşağı (bir kvadratmetri 2904 dollar) təklif olunan qeyri-yaşayış obyektlərinin payı qeyri-yaşayış obyektləri bazarının ümumi portfelinin 53,7 faizini təşkil edib.
Apreldə qeyri-yaşayış obyektlərinin qiymətlərində artım yalnız Bakının Xəzər rayhonunda- 0,2 faiz- müşahidə olunub, 1,1 faizlik əhəmiyyətli azalma isə Nərimanov rayhonunda baş verib.
2011-ci ilin aprelində qeyri-yaşayış obyektləri əsasən fərdi tikililərdən və yenitikililərin birinci və ikinci mərtəbələrindəki mənzillərdən ibarət olublar.