Azərbaycan, Bakı, 15 avqust /Trend, müxbir N.İsmayılova/
4-5 noyabr 2011-ci il tarixində Moldova Respublikasının Qaqauziya Muxtar Ərazi Birliyinin (Qaqauza yeri) paytaxtı Komart şəhərində II Beynəlxalq İqtisadi Forum keçiriləcək. Trend-in məlumatına görə, bu barədə Azərbaycan Sahibkarlar Konfederasiyasının (ASK) məlumatında deyilir.
"Forumun keçirilməsində məqsəd Qaqauziya iqtisadiyyatına yeni investisiyaların cəlb olunmasıdır. Qaqauziya tərəfi investisiya yönəltmək istəyi olan hər bir investora lazımi şərait yaracaq", - məlumatda deyilir.
Azərbaycan Respublikasının Sənaye və Energetika Nazirliyi forumda iştirak üçün iri sənaye müəssisələrinin nümayəndələrindən ibarət heyət formalaşdırır. Forumda iştirakçıların yol xərclərindən başqa digər xərclər təşkilat komitəsi tərəfindən ödəniləcək.
Forumda iştirakla bağlı müraciətlər 20.08.2011-ci il tarixinə qədər qəbul edilir. Əlavə məlumat üçün ASK ilə əlaqə saxlamaq olar. Əlaqələndirici şəxs Nurlana Həsənova, tel. (012) 465 72 42/43, е -mail: [email protected], [email protected].