Azərbaycan, Bakı, 5 sentyabr /Trend, müxbir E.İsmayılov/
Bakı limanının köçürülməsi Ələt qəsəbəsində tikilən yeni beynəlxalq limanın inşasının I mərhələsi tamamlananda başlanacaq. Bu barədə Trend-ə bazar ertəsi nəqliyyat sahəsindəki mənbə bildirib.
Onun sözlərinə görə, yeni limanın I mərhələsinin tikintisi 2014-cü ildə başa çatacaq.
Məndə deyib ki, bu prosesin başa çatması ilə hazırkı liman köçürüləcək.
Ələt qəsəbəsində yeni dəniz limanının tikintisi üç mərhələdə həyata keçiriləcək və 2015-ci ildə başa çatdırılacaq. Layihənin 2008-2010-cu illəri əhatə edən birinci mərhələsində konteynerlərin, "ro-ro" tipli gəmilərin və adi (universal) quru yüklərin qəbulu üçün iki bərə, üç yük körpüsünün inşası nəzərdə tutulur. 2011-2013-cü illəri əhatə edən ikinci mərhələdə daha üç yük körpüsünün inşası, üçüncü mərhələdə isə (2014-2015) iki əlavə yük körpüsünün inşası nəzərdə tutulur. Limanın inşa layihəsi 400 milyon dollardan çox qiymətləndirilir.