Azərbaycan, Bakı, 13 sentyabr /Trend, müxbir A.Axundov/
Azərbaycan Sığortaçılar Assosiasiyası (ASA) Müşahidə Şurasının çərşənbə axşamı keçirilən iclasında üzvlük haqqını ödəməyən şirkətlərə göndərilməsi məqsdəilə məktub layihəsi hazırlayıb. Bu barədə Trend-ə iclasın yekunları üzrə icraçı direktor Azər Əliyev bildirib.
"Hazırda bu ilin üzvlük haqqını ödəməyən yeddi şirkət var. Məktub həmin şirkətlərə göndəriləcək", - o deyib.
Hər üzv üçün üzvlük haqqı beş min manat təşkil edir. Əliyevin sözlərinə görə, ASA-nın illik büdcəsi təxminən 170 min manat təşkil edir.
Həmçinin, görüşdə oktyabrın 17-də assosiasiyanın üçüncü rübdəki fəaliyyətinin yekunu üzrə ASA-nın ümumi iclasının keçirilməsi barədə qərar qəbul edilib.
Azərbaycanda 27 sığorta və bir təkrar sığorta şirkəti var. Onların hamısı ASA-nın üzvüdür.
Sentyabrın 13-nə olan rəsmi məzənnə 0,7866 AZN/USD təşkil edir.
