Azərbaycan, Bakı, 5 dekabr /Trend, müxbir A.Axundov/
2011-ci ilin oktyabında Bakının kirayə mənzil bazarında təklifin həcmi 2,1 faiz azalaraq 235 mənzil təşkil edib. Bu barədə Trend-ə bazar ertəsi "MBA Group" konsaltinq şirkətinin baş direktoru Nüsrət İbrahimov deyib.
"Bu azalma aktiv mövsümi ayların başa çatması ilə əlaqədardır. Hazırda mənzil icarəsinə görə, əsasən tələbələr və sahibkarlar müraciət edirlər. Təkliflər portfelində iki-üç ay üçün icarə müqaviləsi bağlayan şəxslər müəyyən yer tutur", - İbrahimov deyib.
Onun sözlərinə görə, oktyabrda təkliflər paketində bahalı mənzil və evlərin (aylıq icarə haqqı bir min dollardan artıq) payı 10,5 faizədək, ucuz mənzillərin (icarə haqqı 500 dollaradək olan) mənzillərin payı isə 45,7 faizədək azalıb.
"Bahalı mənzillərin 84,7 faizi şəhərin mərkəzi rayonlarında təklif olunur. Yerdə qalan 15,3 faizi dənizkənarı istirahət zonalarındakı evlər təşkil edir", - İbrahimov deyib.
Onun sözlərinə görə, əgər sentyabrda portfeldə bir və iki otaqlı mənzillərin payı 14,6 və 42,9 faiz təşkil edirdisə, oktyabrda bu göstərici azalıb.
"Oktyabrda təklif olunan mənzillərin böyük hissəsi (69 faiz) şəhərin ikinci zonasında, 21 faizi birinci, səkkiz faizi üçüncü, iki faizi dördüncü zonada yerləşir", - İbrahimov deyib.