Azərbaycan, Bakı, 27 yanvar/Trend müxbir E. İsmayılov/
"Turkish Airlines" şirkətinin həyata keçirdiyi İstanbul-Bakı aviareysi Azərbaycan paytaxtına bir saat gecikmə ilə gələcək. Bu barədə cümə günü Trend-ə Heydər Əliyev Benəlxalq Hava Limanından məlumat veriblər.
Aeroportdan bildiriblər ki, "Boeing 737-800" markalı təyyarə Bakıya yerli vaxtla saat 13:30-da gələcək. Təyyarə cədvəl üzrə saat 12:30-da gəlməli idi.
"Təyyarənin gecikməsi hava şəraiti ilə əlaqədardır" , - aeroportdan qeyd ediblər.