Azərbaycan, Bakı, 14 fevral /Trend, müxbir N.İsmayılova/
Dünya Bankının (DB) "Daşınmaz əmlakın qeydiyyatı" layihəsi çərçivəsində daşınmaz əmlakın qeydiyyatı sisteminin yaradılması üzrə tenderin qalibi Azərbaycanın "SayberNet" və Türkiyənin "Netcad Ulusal CAD&CIS" konsorsiumu olub. Bu barədə çərşənbə axşamı Tender Komissiyasının məlumatında deyilir.
Fevralın sonunadək tenderin qalibi ilə ikiillik müqavilə imzalanacaq. Müqavilənin dəyəri 1,946 milıyon dollar təşkil edir.
Tenderdə Azərbaycanın "Caspel" şirkəti ilə birlikdə Polşanın "Intergraph Polska Sp.z.o.o." şirkəti də iştirak edib. Onların təkliflərini dəyəri 2,7 milyon dollar təşkil edib.
Azərbaycan hökuməti və DB 2007-ci ilin iyulunda ölkədə daşınmaz əmlakın vahid kadastrı sisteminin birgə yaradılması haqqında memorandum imzalayıb.