Azərbaycan, Bakı, 6 aprel / Trend, müxbir E.İsmayılov /
Duman Heydər Əliyev Beynəlxalq Aeroportunda təyyarələrin qəbuluna və yola salınmasına təsir etməyib. Bu barədə cümə günü Trend-ə aeroportdan bildirilib.
Məlumata görə, təyyarələrin qəbulu və yola salınması cədvələ uyğun həyata keçirilir.
Bununla yanaşı, aeroprtdan deyildiyi kimi, dumanla əlaqədar Gəncə aeroportunda yerə enən London-Bakı aviareysi yubanır. Təyyarə hazırda Gəncədədir.
"Yaxın vaxtlarda təyyarə paytaxta göndəriləcək. Yerdə qalan bütün aviareyslər hər hansı problem olmadan həyata keçirilir", - aeroportdan bildiriblər.
"Azərbaycan Hava Yolları" QSC-nin həyata keçirdiyi London-Bakı reysi yerli vaxtla saat 07:35-də paytaxta gəlməli idi.