Azərbaycan, Bakı, 9 aprel /Trend, müxbir E.İsmayılov/
Azərbaycan, Gürcüstan və Türkiyə dəmiryolu sistemini birləşdirmək məqsədi daşıyan Bakı-Tbilisi-Qars dəmir yolunun tikintisi çərçivəsində işlər marşrutun bütün hissələrində tam sürətlə gedir. Bu barədə bazar ertəsi Trend-ə "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov bildirib.
Onun sözlərinə görə, qışda marşrutun bir sıra hissələrində tikinti və təmir işləri dyandırılsa da, hazırda hava şəraitinin yaxşılaşması ilə əlaqədar tikinti tempi sürətlənib.
"Bu irimiqyaslı layihə çərçivəsində işlər qrafikə uyğun aparılır və onun reallaşdırılması ilə bağlı heç bir problem yoxdur" , - Əzməmmədov qeyd edib.