Azərbaycan, Bakı, 13 aprel /Trend, müxbir A.Tağıyeva/
Türkiyə Parlamentində əcnəbi vətəndaşların Türkiyədə topraq ala biləcəklərinə imkan verən qanun layihəsinin müzakirəsinə gələn ay başlanacaq. Bu barədə cümə günü Trend-ə Türkiyənin iqtisadiyyat nazirinin müşaviri Alparslan Uymaz məlumat verib.
"Müzakirələrin və razılaşmaların əsas mərhələsi artıq başa çatıb. Parlamentin Hüquq komitəsi çərşənbə günü bu qanun layihəsini təsdiqləyib, növbəti mərhələ parlamentdə müzakirələrdir", - Uymaz deyib.
Onun sözlərinə görə, qanun layihəsi ölkənin hər bir vilayətində hər alıcıya 30 hektar deyil, ümumi topraq sahəsinin azı 10 faizinin əcnəbilərə satıla biləcəyini nəzərdə tutur.
O, eyni zamanda qeyd edib ki, bu rəqəmlər parlamentdəki müzakirələrin gedişində dəyişə bilər.
"İstisna olunmur ki, parlamentdə qanun layihəsinin müzakirələri zamanı şəxsi topraq sahəsinin alınması üçün maksimum yolverilən hədd ikiqat artırıla bilər", - Uymaz deyib.
Bundan başqa, o qeyd edib ki, qanun layihəsi hərbi obyektlərə məxsus və ya belə obyektlərin yaxınlığında yerləşən sahənin alqı-satqısını qadağan edir.
Əgər parlament qanun layihəsini təsdiqləyərsə, bütün əcnəbi vətəndaşlar, o cümlədən Azərbaycan vətəndaşları Türkiyədə şəxsi topraq sahəsi ala bilərlər.
Əvvəllər Türkiyədə yalnız ölkə vətəndaşlarının torpaq sahəsi ala bildikləri ölkələrin vətəndaşları topraq sahəsi ala bilərdilər.