Azərbaycan, Bakı, 19 aprel /Trend/
Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmi 2012-ci ilin ilk rübü ərzində, ilin əvvəli ilə müqayisədə 344 milyon dollar (3,3 faiz) artaraq 10 825,6 milyon dollara çatıb. Bu barədə cümə axşamı Trend-ə bankdan məlumat verilib.
2010-cu ilin yekunları üzrə AMB-nin valyuta ehtiyatları 6 407,6 milyon dollar, 2011-ci ilin yekunları üzrə isə 10 481,5 milyon dollar təşkil edib.
Mərkəzi Bank 2012-ci ildə sərəncamında olan valyuta ehtiyatlarının təxminən üç milyard dollar artacağını gözləyir. Yanvar ayının yekunları üzrə valyuta ehtiyatları 2011-ci ilin yanvar ayına nisbətən 61,2 faiz artaraq 10 583,8 milyon dollar olub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
