Azərbaycan, Bakı, 25 aprel /Trend, müxbir A.Tağıyeva/
2012-ci ilin yanvar-mart aylarında Türkiyəyə gələn xarici turistlərin sayı 2011-ci ilin analoji dövrü ilə müqayisədə 6,3 faiz azalaraq 3,4 milyon nəfər təşkil edib. Trend-in məlumatına görə, bu barədə çərşənbə günü Türkiyə Mədəniyyət və Turizm Nazirliyinin saytında yerləşdirilən məlumatda deyilir.
Martda Türkiyəyə səfər edən turistlərin sayı 2011-ci ilin analoji dövrünə nisbətən 9,7 faiz azalaraq 1,4 milyon nəfər təşkil edib.
Turistlərin ümumi sayından 45,2 faizi İstanbul, 20,3 faizi isə Antalyaya səfər edib. Qalan turistlər əsasən İzmir, Batman və Adana şəhərlərinə səyahət ediblər.
Birinci rüb ərzində Türkiyəyə səfər edən turistlərin ümumi sayından ən çoxu Almaniyadan (17,4 faiz) gəlib. İrandan 9,3 faiz, Bolqarıstandan isə 6,7 faiz turist gəlib.
Azərbaycan bu siyahıda 11-ci yerdə qərarlaşıb.
