Azərbaycan, Bakı, 8 may /Trend, müxbir Ə.Həsənov/
Mayın 11-dən Asiya İnkişaf Bankının (AİB) özəl sektorda əməliyyatlar üzrə missiyasının Bakıya səfəri başlayır. Missiya Azərbaycandakı potensial müştərilərlə görüşlər keçirəcək. Bu barədə çərşənbə axşamı Trend-ə AİB-in Bakı nümayəndəliyindən məlumat verilib.
"Səfərdə başlıca məqsəd Azərbaycanın özəl və maliyyə sektorlarının inkişafı məsələlərinin müzakirəsidir ki, bu da ölkə ilə tərəfdaşlıq strategiyasında öz əksini tapacaq", - nümayəndəlikdən deyiblər.
AİB ilin sonunadək hazırlanacağı ehtimal olunan strategiya üzərində işlərə başlamaq üçün dövlət, iqtisadi, sosial və özəl sektorların tematik qiymətləndirilməsini aparır. 2013-cü ilin birinci rübündə təsdiqlənəcəyi planlaşdırılan strategiya həm beşillik (2013-2017-ci illər), həm də daha uzunmüddətli dövrü əhatə edə bilər.