Azərbaycan, Bakı, 23 iyun /Trend, müxbir Ə.Həsənov/
2012-ci ilin yanvar-may aylarında Azərbaycanda tikinti müəssisələri tərəfindən yerinə yetirilmiş inşaat işlərinin həcmi müqayisə edilən dövrün səviyyəsini 41,7 faiz üstələyib. Trend-in məlumatına görə, bu barədə Dövlət Statistika Komitəsinin hesabatında deyilir.
Görülmüş ümumi tikinti işlərinin 74,7 faizini yeni tikinti, yenidənqurma və genişlənmə, 12,1 faizini əsaslı təmir, 2,2 faizini cari təmir, 11 faizini isə digər tikinti işləri təşkil edib.
Dövlət mülkiyyətli tikinti müəssisələri yerinə yetirilmiş ümumi inşaat işlərinin 26,1 faizini, qeyri-dövlət tikinti müəssisələri isə 73,9 faizini həyata keçiriblər.
2012-ci ilin yanvar-aprel aylarında inşaat bölməsində çalışmış 82 min nəfərin orta aylıq nominal əməkhaqları əvvəlki ilin müvafiq dövrünə nisbətən 8,5 faiz artaraq 555,2 min manat təşkil edib.
İri və orta tikinti müəssisələrində işləyənlərin orta aylıq nominal əməkhaqları 583,1 min manat olub, mülki təyinatlı inşaat işlərində işləyən işçilərdə 15,5 faiz, ixtisaslaşdırılmış tikinti işlərində isə 18,9 faiz artım müşahidə edilib.