Azərbaycan, Bakı, 5 iyul /Trend, müxbir E.İsmayılov/
2-2,5 ildən sonra Ələt qəsəbəsində yeni beynəlxalq dəniz limanının tikintisinin birinci mərhələsi başa çatacaq. Bu barədə cümə axşamı Trend-ə Azərbaycan Nəqliyyat Nazirliyindəki mənbə bildirib.
"Hazırda limanın inşası ilə bağlı işlər gücləndirilmiş templə aparılır və artıq 2-2,5 ildən sonra yeni beynəlxalq limanın yaradılmasının birinci fazası yekunlaşacaq", - mənbə qeyd edib.
Onun sözlərinə görə, limanın inşasının birinci mərhələsinin reallaşdırılmasının yekunlaşması ilə Bakı Beynəlxalq Dəniz Limanının paytaxtın mərkəzindən köçürülməsi mümkün olacaq.
"Limanın köçürülməsi Dənizkənarı Milli Parkın genişləndirilməsi prosesinə daxil ediləcək", - mənbə vurğulayıb.
Qeyd edək ki, yeni beynəlxalq limanın tikintisinə 2010-cu ilin noyabrında başlanıb.
