Azərbaycan, Bakı, 13 oktyabr /Trend, müxbir A.Axundov/
Şəhərsalma və Arxitektura Komitəsi 2012-ci ilin 9 ayı ərzində 33 layihə üzrə müsbət rəy verib. Bu barədə Trend Şəhərsalma və Arxitektura Komitəsinin rəsmi saytına istinadən məlumat verir.
"Bu dövr ərzində komitəyə 63 obyektin memarlıq-planlaşdırma həllərinə münasibət bildirilməsi və rəy verilməsi üçün müraciətlər olub", - məlumatda deyilir.
Təqdim edilən layihələr öyrəndildikdən sonra onlardan 33-nə müsbət, 30-na isə mənfi rəy verilib.
"Dövlət standartlarına uyğun olaraq I və II məsuliyyət səviyyəli bina və qurğuların layihələndirilməsi" fəaliyyət növü ilə məşğul olmaq üçün 2012-ci ilin üçüncü rübü ərzində 7 hüquqi və 1 fiziki şəxsə, ümumilikdə cari ilin 9 ayı ərzində isə 20 hüquqi və 3 fiziki şəxsə xüsusi razılıq (lisenziya) verilib.