Azərbaycan, Bakı, 17 oktyabr /Trend, müxbir A.Axundov /
İlin sonunadək Azərbaycan, Gürcüstan, Türkiyə və Qazaxıstan arasında Bakı-Tbilisi-Qars dəmir yolu ilə Qazaxıstan yüklərinin daşınması üzrə saziş imzalamağı planlaşdırır. Trend-in məlumatına görə, bu barədə çərşənbə günü jurnalistlərə Qazaxıstanın Azərbaycandakı səfiri Serik Primbetov məlumat verib.
Səfirin sözlərinə görə, sazişin dörd ölkənin nəqliyyat nazirləri tərəfindən imzalanması planlaşdırılır. Hazırda yüklərin daşınması həcminin dəqiqləşdirildiyi sənədin hazırlanması həyata keçirilir.
Bakı-Tbilisi-Qars layihəsi üzrə işlər 2013-cü ilin ikinci yarısında tam başa çatacaq.