Azərbaycan, Bakı, 22 oktyabr /Trend, müxbir C.Nəsibova/
2012-ci ilin yanvar-sentyabr aylarında Azərbaycanda adambaşına düşən nominal gəlir 2644,7 manat təşkil edib ki, bu da ötən ilin analoji dövr göstərcisini 12 faiz üstələyir. Trend-in məlumatına görə, bu barədə Dövlət Statistika Komitəsinin hesabatında deyilir.
Bir nəfərə düşən orta aylıq gəlir 293,9 manat təşkil edib.
Adambaşına düşən gəlirin artım tempi istehlakçı qiymətlərinin artımını 10,5 faiz bənd üstələyib.
Hesabat dövründə ölkə əhalisi 24,2 milyard manat dəyərində şəxsi gəlirdən 62,9 faizini mal və xidmətlərin alınmasına, 8,7 faizini vergilərin ödənilməsinə, dövlət icbari sosial sığorta ödənişlərinə və üzvlük haqlarına, 1,6 faizini kredit üzrə ödənişlərə, 26,8 faizini isə kapitalın yığılmasına ayırıb.
Əhalinin sərəncamında qalan gəlirlər 22,1 milyard manat təşkil edib ki, bu da 2011-ci ilin yanvar-sentyabr aylarında analoji göstəricini 13,8 faiz üstələyir.