Azərbaycan, Bakı, 14 noyabr /Trend, müxbir A.Axundov/
Azərbaycan Mərkəzi Bankı (AMB) yanında Azərbaycan İpoteka Fondunun (AİF) xətti ilə verilən sosial ipoteka çərçivəsində kreditin maksimum məbləği artırılacaq. Trend-in məlumatına görə, bu barədə çərşənbə günü jurnalistlərə Azərbaycan Mərkəzi Bankının (AMB) idarə heyəti sədrinin birinci müavini Alim Quliyev deyib.
"AMB hökumətə müvafiq təkliflə müraciət edib, - Quliyev bildirib. - Təklif kreditin maksimum həcminin indiki 35 min manatdan 50 min manatadək artırılmasını nəzərdə tutur".
Onun sözlərinə görə, həmçinin kommersiya ipotekası üzrə kreditin maksimum həcminin artırılması ilə bağlı təklif nəzərdən keçirilir.