Azərbaycan, Bakı, 1 dekabr /Trend, müxbir C.Nəsibova/
Əmlak Məsələləri Dövlət Komitəsi "Beyləqan-Pambıq" SC-nin 30,34 faiz səhmlərinin satışı üzrə investisiya müsabiqəsi elan edib. Bu barədə şənbə günü Komitənin dərc etdiyi "Mülkiyyət" qəzetində məlumat verilir.
Müsabiqədə Azərbaycanın fiziki və hüquqi şəxsləri, xarici investorlar iştirak edə bilərlər. Müəssisənin fəaliyyətinin bərpası üçün investisiyaların maksimum həcmini təklif etmiş və onları səmərəli istifadə etməyə öhdəsinə götürmüş iddiaçılara üstünlük veriləcək.
İddiaçılar həmçinin investisiya təklifinin beş faizi dəyərində bank zəmanəti və dövlət büdcəsinə 40 min manat daxil etmək üzrə təklif də təqdim etməlidir. Şərtlərin və müsabiqə tələblərinin icrası üzrə niyyətlərin ciddiliyinin təsdiq etməsi üçün iddiaçı istənilən banka 15 min manat zəmanət məktubu verməlidir.
"Beyləqan-Pambıq"Səhmdar Cəmiyyətinin nizamnamə kapitalı 2012-ci il bir oktyabra olan məlumatlara görə, 840 691 manat təşkil edir, bu məbləğə hər birinin nominal dəyəri iki manat olan 420 345 səhm buraxılıb. müsabiqənin predmeti ümumi dəyəri 255 040 manat olan 127 520 səhmdir.
Müəssisə 690 142 manat, həmçinin əməkhaqqı üzrə 21 678 manat məbləğində borclara malikdir. Xammal, xidmətlər və işlər üçün borclar 668 464 manat təşkil edir.
Müəssisə 1983-cü ildən fəaliyyət göstərir və pambığın emalı, satışı və saxlanılması ilə məşğuldur. Müəssisədə üç nəfər işçi çalışır.
İddiaçılar müsabiqə tələbləri i və özəlləşdirmə planı ilə tanış ola və 2013- cü il 10 yanvar saat 10:00-dən 17:30-a kimi Bakı, Y.Səfərov küçəsi, 20 ünvanında əlavə məlumat ala bilərlər.
Sənədlər və təkliflər on yanvar saat 10:00-dən 17:30-a kimi qəbul edilir. İddiaçıların təkliflərinin qiymətləndirilməsi 2013-cü il 11 yanvar saat 15:00-da Dövlət Komitəsinin binasında Müsabiqə Komissiyası tərəfindən aparılacaq.
