...

Azərbaycan daha bir ölkə ilə ÜTT-yə üzv olmaq üzrə danışıqları yekunlaşdırıb

Biznes və iqtisadiyyat xəbərləri Materials 17 Yanvar 2013 20:07

Trend-i buradan izləyin

Azərbaycan, Bakı, 17 yanvar /Trend, müxbir A.Axundov/

Azərbaycan Çinlə Ümumdünya Ticarət Təşkilatına (ÜTT) üzv olmaq üzrə ikitərəfli danışıqları başa çatdırıb. Bu barədə cümə axşamı Trend-ə Azərbaycan xarici işlər nazirinin müavini, ölkənin quruma daxil olması üzrə danışıqlar qrupunun rəhbəri Mahmud Məmmədquliyev bildirib.

"Biz artıq Çinlə razılığa gəlmişik və çox güman ki, yaxın vaxtlarda bu ölkə ilə protokol imzalayacağıq", - Məmmədquliyev deyib.

O, bu cür protokolların digər dövlətlərlə imzalanma ehtimalını istisna etməyib.

Azərbaycan Moldova ilə protokol imzalamaq mərhələsindədir. Moldova isə hələ sənədləri nəzərdən keçirir.

"Bu məsələ üzrə Moldova tərəfindən heç bir məlumat yoxdur, buna görə də hələ konkret nə isə demək olmaz", - Məmmədquliyev qeyd edib.

Azərbaycanın ÜTT-yə daxil olması üzrə çoxtərəfli danışıqların iştirakçı ölkələri yeni təkliflərini təşkilatın Katibliyinə təqdim etməlidirlər.

"ÜTT-nin Katibliyi bu təklifləri ümumiləşdirərək rəsmi Bakıya göndərəcək", - o deyib.

Məqalədə:
Xəbər lenti

Xəbər lenti