Azərbaycan, Bakı, 11 fevral /Trend, müxbir A.Axundov/
Azərbaycan daha 6 ölkə ilə ikiqat vergitutmanın ləğv edilməsi barədə saziş imzalamağa hazırlaşır. Trend-in məlumatına görə, bu barədə Vergilər Nazirliyinin nəşri olan "Vergilər" qəzetində dərc edilən məlumatda deyilir.
"Slovakiya, Monteneqro, Albaniya, Portuqaliya və Malta ilə ikiqat vergitutmanın ləğv edilməsinə dair sazişlərin bağlanması üzrə danışıqların növbəti mərhələləri keçirilib. Makedoniya ilə sazişin imzalanması üçün bütün prosedurlar başa çatdırılıb", - məlumatda deyilir.
Qeyd edək ki, Azərbaycan indiyədək ikiqat vergitutmanın ləğv edilməsi və vergi ödəməkdən yayınma hallarının qarşısını almaq barədə 43 ölkə ilə saziş imzalayıb.