...

DB Azərbaycanda su layihəsini yenidən strukturlaşdıracaq

Biznes və iqtisadiyyat xəbərləri Materials 5 Mart 2013 13:55 (UTC +04:00)

Azərbaycan, Bakı, 5 mart/Trend, müxbir A. Axundov/

Dünya Bankı (DB) Azərbaycanda su təchizatı və kanalizasiya sisteminin yaxşılaşdırılması üzrə ikinci milli layihənin yenidən strukturlaşdırılmasının başa çatdırılması üçün ölkə hökumətindən rəsmi cavab gözləyir. Bu barədə çərşənbə axşamı Trend-ə bankın Bakı nümayəndəliyindən bildiriblər.

Yenidən strukturlaşdırmanın ikinci mərhələsi çərçivəsində işlərin başa çatması müddəti 2013-cü il fevralın 28-dən (əvvəl belə müəyyən edilmişdi) 2014-cü il dekabrın 31-dək uzadılması təklif olunur. DB müvafiq sifarişi 2012-ci il oktyabrın 31-də Maliyyə Nazirliyinə göndərib.

"Müddət cari işlərin başa çatdırılması və layihənin məqsədlərinə tam çatmaq üçün təxirə salınıb" , - bankdan qeyd ediblər.

Bundan başqa, tərəflər bu layihə çərçivəsində DB-dən əlavə maliyyənin cəlb edilməsi imkanlarını müzakirə edirlər. Bank müvafiq sifarişi ölkə hökumətindən alıb.

Məqalədə:
Xəbər lenti

Xəbər lenti