Azərbaycan, Bakı, 6 mart /Trend, müxbir A.Axundov/
Avropa İttifaqı (Aİ) ümid edir ki, Azərbaycanla viza rejiminin sadələşdirilməsi və readmissiyaya dair danışıqlar bu ilin noyabr ayına qədər yekunlaşacaq. Trend-in məlumatına görə, bu barədə çərşənbə axşamı Aİ-nin Azərbaycandakı nümayəndəliyinin rəhbəri Rolan Kobia jurnalistlərə açıqlamasında bildirib.
"Biz ümid edirik ki, danışıqlar Avropa İttifaqının "Şərq tərəfdaşlığı" proqramı çərçivəsində dövlət başçılarının iştirakı ilə noyabr ayında baş tutacaq sammitə qədər yekunlaşacaq", - Kobia deyib.
Onun sözlərinə görə, bu gün tərəflər müzakirələri sürətləndiriblər. Azərbaycan və Aİ arasında viza rejiminin sadələşdirilməsinə dair danışıqların növbəti raundu mart ayının 11-12-də Brüsseldə baş tutacaq.
