Azərbaycan, Bakı, 11 mart /Trend, müxbir A.Axundov/
2013-cü il yanvarın 1-nə Azərbaycanınn Beynəlxalq Valyuta Fondu (BVF) qarşısında borcunun qalıq hissəsi 15,3 milyon dollar təşkil edib.
Trend-in məlumatına görə, bu barədə hökumətin Milli Məclisə 2012-ci ilin yekunları üzrə təqdim etdiyi hesabatda deyilir.
Hesabatda qeyd edilir ki, BVF-dən cəlb edilən kreditlərin ödənişi qrafik üzrə gedir.
"BVF-in missiyaları 2012-ci ildə ölkə parlamentinə daha çevik valyuta məzənnəsinə keçid, ödəniş balansı, çirkli pulların yuyulması və terrorizmin maliyyələşdirilməsi ilə mübarizə, xərclər siyasəti ilə bağlı tövsiyələrini veriblər", - hesabatda deyilir.