Azərbaycan, Bakı, 20 aprel /Trend /
Azərbaycanın Qiymətli Kağızlar üzrə Dövlət Komitəsi (QKDK) "Paşa Bank"ın 178 milyon manat həcmində adi, adlı, sənədsiz səhmlərinin emissiya prospektini qeydiyyata alıb. Trend-in məlumatına görə, bu barədə şənbə günü QKDK-nın yaydığı məlumatda deyilir.
Emissiyanın yerləşdirilməsi 17800 manat nominalında 10000 səhmin 15700 manat nominallı eyni həcmdə səhmə konvertasiya yolu ilə həyata keçiriləcək.
Beləliklə, şirkətin nizamnamə kapitalı 157 milyon manatdan 178 milyon manatadək artacaq.