Azərbaycan, Bakı, 24 aprel /Trend, müxbir A. Axundov/
Azərbaycan Beynəlxalq Bankı nizamnamə kapitalının 100 milyon manata çatdırılması prosesini yekunlaşdırıb. Trend-in məlumatına görə, bu barədə bankın idarə heyətinin çərşənbə günü "Azərbaycan" qəzetində yerləşdirdiyi məlumatda bildirilir.
Məlumata görə, hər bir səhmin nominal dəyəri 0,24 manat olan 416,7 milyon səhmlərin yerləşdirilməsi prosesi 2012-ci il iyunun 4-də başlayıb və bu il aprelin 11-də yekunlaşıb. Səhmlərin yerləşdirilməsi zamanı 422 müqavilə bağlanıb ki, bunlardan ümumi həcmi 100 milyon manat olan vəsait daxil olub.
Bu səhmlərin yerləşdirilməsindən sonra ABB-in nizamnamə kapitalı 340 milyon manata qədər artıb.