Azərbaycan, Bakı, 3 may /Trend, müxbir A.Axundov/
Azərbaycan bankları cari ilin II yarısından etibarən elektron ipotekanı tətbiq etməyə başlayacaq. Bu barədə cümə günü Trend-ə Azərbaycan Mərkəzi Bankının (AMB) İdarə heyəti sədrinin I müavini Alim Quliyev deyib.
Onun sözlərinə görə, elektron ipotekanın tətbiqi zamanın tələbidir və hazırda buna zərurət var.
"Hazırda bu sistemdən sınaq rejimində istifadə edilir, real rejimdə isə 2013-cü ilin II yarısından etibarən işə başlayacaq", - Quliyev qeyd edib.
Onun sözlərinə görə, Azərbaycan İpoteka Fonduna üzv olan bütün banklar elektron ipotekanın tətbiqinə hazırlaşırlar. Banklar bu sistemdə işləyəcəklər.