Azərbaycan, Bakı, 22 aprel /Trend, müxbir A. Axundov/
Kənd Təsərrüfatı Nazirliyi ölkədə ixtisaslaşmış aqrar bankın yaradılmasını məqsədəuyğun hesab edir.
Trend-in məlumatına görə, bu barədə çərşənbə günü jurnalistlərə kənd təsərrüfatı naziri İsmət Abasov deyib.
Nazir bildirib: "Hazırda müxtəlif banklar və bank olmayan kredit təşkilatları kənd təsərrüfatına kreditlər verirlər. Bundan başqa, İqtisadi İnkişaf Nazirliyinin Sahibkarlığa Kömək Milli Fondu bu sahənin inkişafına güzəştli kreditlər ayırır. Lakin gələcəkdə ayrıca ixtisaslaşmış aqrar bankın yaradılması məqsədəuyğun olardı".
Onun sözlərinə görə, bunu yeni bankın yaradılması və ya artıq işləyən banklardan hər hansının yenidən profilləşdirilməsi yolu ilə etmək olar.
