Azərbaycan, Bakı, 5 iyun /Trend, müxbir M.Əliyev/
Azərbaycan və Ukrayna arasında ticari-iqtisadi əməkdaşlığın perspektivləri müzakirə olunacaq. Trend-in məlumatına görə, bu barədə çərşənbə günü Ukraynanın Milli Təhlükəsizlik və Müdafiə Şurasının katibi Andrey Klyuyev Bakıda jurnalistlərə açıqlamasında bildirib.
Onun sözlərinə görə, Azərbaycan və Ukrayna zəngin əməkdaşlıq tarixinə malikdirlər. Ukraynada 600 mindən artıq azərbaycanlı yaşayır:
"Bizim ticarət və siyasi əlaqələrimiz çox effektiv və sürətli şəkildə inkişaf edir. Azərbaycana səfər zamanı ölkə rəhbərliyi ilə görüşlər nəzərdə tutulub. Görüşlər zamanı birinci növbədə ticari-iqtisadi sahə olmaqla ikitərəfli əlaqələrin geniş spekteri müzakirə ediləcək."