Azərbaycanda sığortalanmış avtomobillərin yarısından çoxu "VAZ" və "Mercedes" markalı avtomobillərin payına düşür

Azərbaycan, Bakı, 29 iyun /Trend, müxbir E.Əliyev/

İcbari Sığorta Bürosu sığorta şirkətləri tərəfindən Avtonəqliyyat vasitəsi sahiblərinin mülki məsuliyyətinin icbari sığortası üzrə ödənişlərin artacağını gözləyir. Bu barədə 2012-ci ildə və bu ilin ilk beş ayında büronun dünənə yayılan hesabatında deyilir.

İcbari Sığorta Bürosunun iştirakçıları olan sığorta şirkətləri tərəfindən Avtonəqliyyat vasitəsi sahiblərinin mülki məsuliyyətinin icbari sığortası üzrə 2012-ci ildə 916 744 sığorta müqaviləsi bağlanıb. Bunlardan 692 217-ni 1 il müddətinə bağlanılan sığorta müqavilələri, 224 527-ni isə xarici ölkədə qeydiyyata alınmış və Azərbaycan Respublikasına tranzit məqsədilə daxil olan avtonəqliyyat vasitələri ilə bağlı olan və 1 (bir) ay müddətinə bağlanan icbari sığorta müqavilələri təşkil edir.

İcbari sığortaya cəlb olunan avtonəqliyyat vasitələrindən 11 213-ü avtobus, mikroavtobus və onların bazasında istehsal edilmiş digər avtonəqliyyat vasitələri, 59 326-i yük avtomobilləri və onların bazasında istehsal edilmiş digər avtonəqliyyat vasitələri, 445-i motosiklеtlər və motorollerlər, 611 485 minik avtomobilləri və onların bazasında istehsal edilmiş digər avtonəqliyyat vasitələri, 5 185-i traktorlar, yol-tikinti işlərində, meşə və kənd təsərrüfatında istifadə olunan avtonəqliyyat vasitələri, 4 563-ü isə qoşqular olub.

2012-ci ildə göstərilən icbari sığorta növü üzrə baş vermiş sığorta hadisələri üzrə sığorta şirkətləri tərəfindən 6,82 milyon manat ödənilib. Sığorta ödənişlərinin verilməsi bu qaydada davam edərsə, 2013-cü ilin sonuna ödənişlərin məbləğinin 2012-ci illə müqayisədə təxminən 3 dəfə artaraq 20 milyon manatdan çox olacağı gözlənilir.

2012-ci ildə bağlanılan 1 illik sığorta müqavilələrinin avtonəqliyyat vasitələrinin markaları üzrə bölgüsü: