Azərbaycan, Bakı, 24 yanvar /Trend, müxbir A.Axundov/
Bakı-Naxçıvan marşrutu üzrə axşam aviareysləri gündüz saatlarında ləngimələrə baxmayaraq, cədvələ uyğun həyata keçiriləcək. Bu barədə cümə günü Trend-ə Heydər Əliyev Beynəlxalq Hava Limanından bildiriblər.
Aeroportdan qeyd ediblər ki, yanvarın 24-də Bakı-Naxçıvan marşrutu üzrə təyyarələr Bakı vaxtı ilə saat 18:40 və 23:50-də uçacaqlar.
Qeyd edək ki, yanvarın 24-də Naxçıvanda əlverişsiz hava şəraiti ilə əlaqədar bəzi aviareyslər yubanıb.