Azərbaycan, Bakı, 25 yanvar /Trend, müxbir A.Axundov/
Bu gündən etibarən Bakı Fond Birjası (BFB) QSC investisiya qiymətli kağızları ilə REPO/əks-REPO əməliyyatlarının aparılmasına başlayır.
Trend-in BFB-yə istinadən verdiyi məlumata görə, repo predmeti olaraq, BFB-də market-meyker tərəfindən likvidliyi təmin olunmuş korporativ istiqrazlar təsdiq edilib.
BFB ilə Milli Depozit Mərkəzi arasında18 fevral 2014-cü ildə imzalanmış "Repo predmeti olan qiymətli kağızların Bakı Fond Birjası QSC-də repo predmeti olaraq təsdiq edilməsi və onlar üzrə təminat həcminin müəyyən olunması üzrə" razılaşmaya əsasən, aşağıdakı qiymətli kağızlar repo predmeti olaraq təsdiq olunub:
№ |
Emitent |
Dövlət qeydiyyat nömrəsi |
Qiymətli kağızların növü |
Təminat həcmi (təminat əmsalı, faizlə) |
1. |
Unibank ASC |
AZ2008002027 |
faizli, sənədsiz, adlı istiqraz |
40% |
2. |
"Bakcell LTD" MMC |
AZ2001009466 |
faizli, sənədsiz, adlı istiqraz |
40% |
3. |
Bank of Baku ASC |
AZ2006005360 |
faizli, sənədsiz, adlı istiqraz |
40% |
4. |
AGBank ASC |
AZ2005000974 |
faizli, sənədsiz, adlı istiqraz |
40% |
5. |
FİNCA Azərbaycan Qeyri-Bank Kredit təşkilatı MMC |
AZ2001019200 |
faizli, sənədsiz, adlı istiqraz |
40% |
6. |
Unibank ASC |
AZ2009002026 |
faizli, sənədsiz, adlı istiqraz |
40% |
7. |
Unileasing QSC |
AZ2006005196 |
faizli, sənədsiz, adlı istiqraz |
40% |
8. |
AccessBank QSC |
AZ2001004285 |
faizli, sənədsiz, adlı istiqraz |
40% |
9. |
Bank of Baku ASC |
AZ2007005369 |
faizli, sənədsiz, adlı istiqraz |
40% |
10. |
Bank of Baku ASC |
AZ2008005368 |
faizli, sənədsiz, adlı istiqraz |
40% |
11. |
Azərbaycan Respublikasının Mərkəzi Bankı nəzdində Azərbaycan İpoteka Fondu |
Bütün cari və növbəti buraxılışlar |
İpoteka istiqrazları |
0% |
Repo predmeti olaraq təsdiq olunmuş qiymətli kağızların siyahısına yeni qiymətli kağızlar əlavə olunduqda və ya çıxarıldıqda bu məlumatlar BFB-nin internet səhifəsi vasitəsilə açıqlanacaq.
Eyni zamanda, BFB-də Azərbaycan Maliyyə Nazirliyinin istiqrazları və Azərbaycan Mərkəzi Bankının notları ilə repo əməliyyatları aparılır.
Qeyd edək ki, BFB-də korporativ istiqrazlarla repo əməliyyatlarının keçirilməsi Qiymətli Kağızlar üzrə Dövlət Komitəsi tərəfindən 14 fevral 2011-ci il tarixində təsdiq olunmuş "İnvestisiya qiymətli kağızlarla repo əməliyyatlarının aparılması Qaydaları"na, QKDK tərəfindən 1 fevral 2001-ci ildə təsdiq olunmuş "Dövlət qiymətli kağızları ilə Azərbaycan Respublikası Milli Bankının REPO/əks-REPO əməliyyatlarının aparılması haqqında Qaydalar"a və BFB tərəfindən 15 oktyabr 2012-ci il tarixdə təsdiq edilmiş "Bakı Fond Brjasında investisiya qiymətli kağızlarla repo əməliyyatlarının aparılmasına dair qaydalar"a müvafiq olaraq aparılacaq.
2013-cü ildə korporativ qiymətli kağızlar bazarı 52,88 faiz artaraq dövriyyəsi 1,388 milyard manata çatıb. Repo əməliyyatlarının həcmi isə 3,61 faiz azalaraq 6,609 milyard manata çatıb.
Azərbaycan İpoteka Fondu 2013-cü ildə 57 milyon manat dəyərində istiqraz yerləşdirib, ipoteka kreditləşməsinin başlamasından etibarən isə bu rəqəm ümumilikdə 300 milyon manat təşkil edib.