Azərbaycan, Bakı, 28 mart /Trend, müxbir E.Əliyev/
"Rabitəbank" ASC-nin səhmdarları bankın səhmlərinin əlavə emissiyası məsələsini müzakirə edirlər. Trend xəbər verir ki, bu barədə "Rabitəbank"ın İdarə Heyətinin rəsmi mətbuatda dərc edilmiş məlumatında deyilir.
Bankın səhmdarlarının ümumi yığıncağı mayın 14-də keçiriləcək.
İclasın gündəliyinə bankın İdarə Heyətinin 2013-cü ildə fəaliyyəti üzrə hesabatın müzakirəsi, bankın Auditor Komitəsinin tərkibinin və onun hesabatının təkrar təsdiqlənməsi, "Rabitəbank" ASC-nin 2013-cü maliyyə ilində maliyyə fəaliyyəti haqqında hesabatın təsdiqlənməsi, bankın gəlir və itkiləri və digər məsələlər daxil edilib.
2013-cü ilin yayında bank nizamnamə kapitalını 40 milyon manatdan 50 milyon manatadək artırıb.
Kommersiya bankı olan "Rabitəbank" Azərbaycanda 1993-cü ildən fəaliyyət göstərir.
