Azərbaycan, Bakı, 28 mart /Trend, müxbir E.Əliyev/
Gürcüstana Azərbaycan istehsalı olan tikinti materiallarının ixrac həcmləri 4,02 faiz artıb. Trend-in məlumatına görə, bu barədə Gürcüstan Milli Statistika Xidmətinin xarici ticarət üzrə hesabatında deyilir.
Hesabata görə, 2014-cü ilin yanvar-fevral aylarında Gürcüstan Azərbaycandan 2,07 milyon dollar dəyərində 12,16 min ton inşaat gipsi və digər anhidritlər alıb ki, bu da ötən ilin analoji dövründəkindən 1,18 min ton çoxdur. Müqayisə üçün: ötən ilin yanvar-fevral aylarında Gürcüstana 1,99 milyon dollar məbləğində 10,98 min ton tikinti materialı ixrac edilib.
Hesabat dövründə Azərbaycandan Gürcüstana idxalın ümümi həcmində tikinti materiallarının xüsusi çəkisi 1,83 faiz təşkil edib.
Ümumilikdə 2014-cü ilin yanvar-fevral aylarında Gürcüstan Azərbaycandan 113,19 milyon dollar dəyərində məhsul alıb. Hesabata görə, ümumilikdə bu dövrdə Azərbaycandan Gürcüstana ixracın həcmi 15,49 faiz artıb. Müqayisə üçün: ötən ilin yanvar-fevral aylarında Gürcüstan Azərbaycandan 98,01 milyon dollar məbləğində məhsul idxal edib.
Azərbaycan Gürcüstanın məhsul idxal etdiyi ölkələr siyahısında ikinci yeri tutur. Ölkənin Gürcüstana idxal edilən malların ümumi həcmində xüsusi çəkisi 10 faiz təşkil edir.
2014-cü ilin yanvar-fevral aylarında Gürcüstan 113,19 milyon dollar dəyərində məhsul idxal edib ki, bu da ötən ilin analoji dövrünün göstəricisini 15,49 faiz üstələyir.