...

Azərbaycanda özəl avtomobil yollarının adları yerli icra hakimiyyəti orqanları tərəfindən müəyyənləşdiriləcək

Biznes və iqtisadiyyat xəbərləri Materials 14 May 2014 11:48 (UTC +04:00)
Nazirlər Kabineti "Azərbaycan Respublikasında avtomobil yollarının təsnifat göstəriciləri"nin və "Ümumi istifadədə olan avtomobil yollarının adlandırılması, indeksasiyası və qeydiyyata alınması Qaydaları"nın təsdiq edilməsi haqqında" qərarında dəyişikliklər edib.
Azərbaycanda özəl avtomobil yollarının adları yerli icra hakimiyyəti orqanları tərəfindən müəyyənləşdiriləcək

Trend-i buradan izləyin

Azərbaycan, Bakı, 14 may /Trend/

Nazirlər Kabineti "Azərbaycan Respublikasında avtomobil yollarının təsnifat göstəriciləri"nin və "Ümumi istifadədə olan avtomobil yollarının adlandırılması, indeksasiyası və qeydiyyata alınması Qaydaları"nın təsdiq edilməsi haqqında" qərarında dəyişikliklər edib.

Trend Nazirlər Kabinetinin saytına istinadən xəbər verir ki, dəyişikliyə əsasən, respublika və yerli əhəmiyyətli avtomobil yollarının adlandırılması və indeksasiyası Nəqliyyat Nazirliyinin təqdimatı ilə Nazirlər Kabineti tərəfindən, digər dövlət avtomobil yollarının adlandırılması və indeksasiyası yerli icra hakimiyyəti orqanları (şəhər rayonu icra hakimiyyətləri istisna olmaqla) tərəfindən müəyyənləşdirilir.

Qəsəbə və kəndlərin ərazisində yerləşən bələdiyyə avtomobil yollarının adlandırılması qanunvericilikdə nəzərdə tutulmuş qaydada bələdiyyələr tərəfindən müəyyən edilir.

Özəl avtomobil yollarının adlandırılması isə mülkiyyətçilərin rəyi nəzərə alınmaqla, yerli icra hakimiyyəti orqanları tərəfindən müəyyənləşdirilir.

Məqalədə:
Xəbər lenti

Xəbər lenti