Azərbaycan, Bakı, 10 iyun /Trend, müxbir Z.Qurbanova/
2014-cü ilin I rübünün yekunu üzrə Azərbaycan tərəfindən təkrar gəlirlər üzrə xarici ölkələrlə aparılan əməliyyatların ümumi dəyəri 756,6 milyon dollar məbləğində qiymətləndirilib. Bu məbləğin 49,1%-ni ölkəyə daxilolmalar təşkil edib.
Trend-in məlumatına görə, bu barədə Mərkəzi Bankın açıqladığı 2014-cü ilin yanvar-mart ayları üçün Azərbaycanın tədiyyə balansında deyilir
Təkrar gəlirlər üzrə ümumi daxilolmaların 94,4%-ni (714,2 milyon dollar) xarici ölkələrdən fiziki şəxslərin pul baratları, 2,4%-ni ölkəyə gətirilən humanitar idxal mallarının dəyəri, 3,2%-ni isə digər daxilolmalar təşkil edib.
Bütövlükdə, təkrar gəlirlər üzrə əməliyyatların saldosu mənfi 14,3 milyon dollar olub.
