...

Sazz 4G İnternet Masallı, Astara, Lerik şəhərlərində də xidmət göstərməyə başladı

Biznes və iqtisadiyyat xəbərləri Materials 6 Avqust 2014 14:17
Azərbaycanın ən böyük simsiz İnternet provayderi olan Sazz 4G öz əhatə dairəsini genişləndirdi.
Sazz 4G İnternet Masallı, Astara, Lerik şəhərlərində də xidmət göstərməyə başladı

Trend-i buradan izləyin

Azərbaycan, Bakı, 6 avqust /Trend, müxbir Qalib Mirzəzadə/

Azərbaycanın ən böyük simsiz İnternet provayderi olan Sazz 4G öz əhatə dairəsini genişləndirdi. Artıq Sazz İnternet xidmətlərindən Masallı, Astara, Lerik şəhərlərində də faydalanmaq mümkündür. İndi bu şəhərlərin şəhər sakinləri Sazz 4G xidməti sayəsində saniyədə 10 meqabitə qədər sürətlə telefon xətti olmadan birbaşa İnternetə qoşula biləcəklər.

Masallı şəhərindəki Sazz 4G müştəri xidmətləri və satış mərkəzi Heydər Əliyev prospektində (Mərkəzi ATS-in yaxınlığında) yerləşir.

Astara şəhərindəki Sazz 4G müştəri və satış mərkəzi Heydər Əliyev prospekti 223 ünvanına, Lerik şəhərindəki müştəri xidmətləri və satış mərkəzi isə Elmar Qarayev küçəsində (Avtovağzal arazisi) yerləşir.

Abunə olmaq istəyənlər cəmi bir neçə dəqiqə ərzində abunəçi müqaviləsini rəsmiləşdirib Sazz 4G İnternet şəbəkəsinə qoşula bilərlər. Bura müraciət edən vətəndaşlara provayderin baş ofisində təlim keçmiş satıcı və texniki dəstək qrupu xidmət göstərir.

Hər yeni abunəçiyə 5 gün ərzində 200 meqabayt həcmində trafiklə Sazz şəbəkəsini sınaqdan keçirmək imkanı da verilir. Həmin müddət ərzində xidmətdən narazı qalan abunəçilər ödənilmiş məbləği geriyə ala bilər.

Qeyd edək ki, "rouminq" xüsusiyyətinə malik olan "Standart" tarifi ilə Sazz İnternetə qoşulan abunəçilər provayderin əhatə dairəsinin istənilən nöqtəsində, heç bir əlavə xərc çəkmədən xidmətdən faydalana biləcəklər.

Sazz İnternet Bakı və Xırdalan şəhərləri, həmçinin Abşeron yarımadasının əksər sahilyanı qəsəbələri və çimərlik zonalarından başqa Sumqayıt, Mingəçevir, Gəncə, Qax, Zaqatala, Balakən, Şəki, Quba, Qusar, Xaçmaz və Lənkəran şəhərlərində xidmət göstərir.

Məqalədə:
Xəbər lenti

Xəbər lenti