Azərbaycan, Bakı, 3 sentyabr /Trend, müxbir Zülfiyyə Qurbanova/
Azərbaycan Mərkəzi Bankı (AMB) yenidən təşkilatlanma prosesində olan banklar üçün tələbləri müəyyən edib.
AMB-nin İdarə Heyəti Ədliyyə Nazirliyinin normativ-hüquqi aktlar reyesrtində dərc olunmuş "Bankların yenidən təşkili Qaydaları"nı təsdiq edib.
Sənədin qüvvəyə mindiyi gündən "Bankların birləşmə və ya qoşulma şəklində yenidən təşkili Qaydaları" ləğv olunur.
Mərkəzi Bankdan izah ediblər ki, yeni qaydalar ümumi kapitalın minimal ölçüsünə, həmçinin kreditorların və bankların əmanətçilərinin vəsaitlərinin təhlükəsizliyini təmin etmək üçün AMB-nin yeni tələblərini yerinə yetirə bilməyəcək bankların yenidən strukturlaşdırılması prosesinin uğurla həyata keçirilməsi məqsədi ilə qəbul edilib.
AMB-nin bankların ümumi kapitalına minimum həcminə tələbləri 2014-cü ilin sonuna 50 milyon manat səviyyəsində müəyyən olunub.
Qaydalara görə, bankların təkrar strukturlaşdırılmasına Mərkəzi Bankın icazəsi ilə başlanıla bilər və yalnız bundan sonra müvafiq qərarın qəbul edilməsi üçün bank səhmdarlarının ümumi yığıncağı keçirilə bilər.
Təkrar təşkilatlanmaya icazə AMB-nin minimum tələblərinə uyğun məcmu kapitala malik banklara, bank olmayan kredit təşkilatlarına isə nizamnamə kapitalı minimum tələblərə uyğun gəldiyi halda verilə bilər.
2014-cü il iyulun 1-nə olan vəziyyətə görə, Azərbaycanda 44 bank və 157 bank olmayan kredit təşkilatı fəaliyyət göstərir.