...

Azərbaycan TRACECA yanında arbitraj strukturunun yaradılmasını dəstəkləmir

Biznes və iqtisadiyyat xəbərləri Materials 5 Sentyabr 2014 14:18 (UTC +04:00)

Trend-i buradan izləyin

Azərbaycan, Bakı, 5 sentyabr /Trend, müxbir Emil İsmayılov/

Azərbaycan nəqliyyat sahəsində beynəlxaql əməkdaşlıq proqramı olan TRACECA (Avropa-Qafqaz-Asiya) hökumətlərarası komissiyası yanında arbitraj strukturunun (beynəlxaql arbitraj məhkəməsinin) yaradılması təşəbbüsünü dəstəkləmir. Bu barədə cümə günü Trend-ə TRACECA-nın Azərbaycandan milli katibi Akif Mustafayev bildirib.

Onun sözlərinə görə, TRACECA HAK yanında beynəlxaql arbitraj məhkəməsinin yaradılması təşəbbüsü ilə Rumıniya çıxış edib.

Mustafayev qeyd edib: "Yeni strukturun yaradılmasına ehtiyac yoxdur. Çünki bu nəqliyyat proqramının reallaşdığı andan bəri on il ərzində arbitraj müdaxiləsi tələb edən heç bir münaqişə baş verməyib".

Onun fikrincə, bu mərhələdə arbitraj strukturun yaradılmasına ehtiyac yoxdur, lakin gələcəkdə, münaqişəli vəziyyətlərin baş qaldıracağı və arbitraja tələbat yaranacağı halda Azərbaycan bu təşəbbüsə qoşula bilər.

Mustafayev qeyd edib: "Biz TRACECA-nın bir sıra digər iştirakçıları kimi hazırkı mərhələdə belə strukturun yaradılmasının tərəfdarı deyilik. Və hazırda bu məsələ gündəlikdə deyil".

TRACECA Aİ və Şərqi Avropa, Cənubi Qafqaz və Mərkəzi Asiyada onun tərədaş ölkələri arasında nəqliyyat sahəsində beynəlxalq əməkdaşlıq proqramıdır. Təşkilatın Bakıda daimi katibliyi var.

TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna və İrandır.

Məqalədə:
Xəbər lenti

Xəbər lenti