Azərbaycan, Bakı, 15 sentyabr /Trend/
Azərbaycan və Rusiya Moskvada sərgi ticarət mərkəzinin yaradılması haqqında razılıq əldə ediblər. Bu barədə Trend İTAR-TASS-a istinadən məlumat verir.
Müvafiq saziş Bakıda ikitərəfli hökumətlərarası komissiyanın 14-cü iclasının yekunları üzrə imzalanıb. Sənədi Rusiyanın iqtisadi inkişaf nazirinin müavini Aleksey Lixaçev və Azərbaycanın iqtisadiyyat və sənaye naziri Şahin Mustafayev imzalayıblar.
Bundan başqa, Rusiya Baş nazirinin müavini Dmitri Roqozin və Azərbaycan Baş nazirinin birinci müavini Yaqub Eyyubov Ticari-iqtisadi əməkdaşlıq üzrə hökumətlərarası komissiyanın 14-cü iclasının protokolunu imzalayıblar.
