Azərbaycan, Bakı, 14 oktyabr /Trend, müxbir Azad Həsənli/
Azərbaycan İqtisadiyyat və Sənaye Nazirliyinin proqnozlarına əsasən, 2015-ci ildə inflyasiyanın artım tempi 2,3 faiz səviyyəsində gözlənilir.
Trend-in məlumatına görə, bu barədə Maliyyə Nazirliyinin dərc etdiyi gələn il üçün Azərbaycanın dövlət və icmal büdcələri layihələrinin təqdimatında bildirilib.
2014-cü ilin 9 ayının yekunlarına görə, ölkədə inflyasiya 1,5 faiz olub.
Sosial-iqtisadi inkişaf konsepsiyasına əsasən, bu il istehlakçı qiymətlərin artım tempi 3,5 faiz səviyyəsində proqnozlaşdırılır.
Beynəxalq Valyuta Fondu isə bu il Azərbaycanda inflyasiyanı 2,8 faiz səviyyəsində proqnozlaşdırır ki, bu da dünyada ən aşağı inflyasiya göstəricilərindən biridir.